share house නමින් ටෝකියෝවේ ඇති ස්ථානය පිලිබදව ඔබ අසා තිබේද ? සමහරවිට ඔබ නොදන්නවා විය හැකිය . එනම් , share house යි කියනු ලබන්නේ , විදේෂිකයින් හට ජපානයට ගිය විට , එම නුපුරුදු භාවය මග හරවා ගැනීමට උපකාරී වන පිලියමක් ලෙස සඳහන් කල හැකිය . එසේනම් share house යන්න කුමක්ද යන්න විමසා බලමු .
share house කියන්නේ මොකද්ද ? share house වල සිටින්නේ කව්ද ?
මෙම share house තිබෙන්නේ විදේශිකයින්ගේ පහසුව සඳහාය . විදීශිකයෙක් ජපානයට මුල් වතාවට පැමිණි විට ඔහු ඇය යම් හෙයකින් අතරමන් වන බව පැවසුවොත් එහි වරදක් නැත . මක්නිසාද මුල් වතාවට ආගනතුක දේශයකට පැමිණි කව්රුන් වුවද එලෙස අතරමන් වන්නට බැරි නැත .
මෙලෙස මුලින්ම ජපානයට පැමිණෙන විට , තමන් යායුතු කොහිද ? කුමන දිශාවකට යායුතුද , තමන් ඉගෙන ගන්නා පාසැල ආසන්නයේ නැවතීමට ස්ථානයක් සොයා ගන්නේ කෙසේද , මිල අධික නොවන තමන්ට හැකි පමණින් ස්ථානයක් සොයා ගන්නේ කෙසේද යනාදී වශයෙන් ගැටළු රැසක් මතුවේ . මෙහිදී මේ අතිවී තිබෙන බොහොමයක් ප්‍රශ්න වලට විසදුම share house තුලින් ලබාගත හැකිය .
දැනට ටෝකියෝව අසල ඇති share house තුල විදීශිකයින් 2000ක් පමණ සිටියි. මෙය විදේශිකයින්ට ඉතාම පහසු මිලට නවාතැන් පහසුකම් ලබාගතහැකි ස්ථානයකි . මෙම share house තුලින් ඔවුන්ට විවිධ දැනුවත්වීම් කරනු ලබයි . එහිදී ජපන් භාෂාව එතරම් නොදන්නවා වුවද ඉංග්‍රීසි බසින්ද , සරල ලෙස පැහැදිලි කිරීම් කටයුතු සිදු කරන නිසා share house තුල සිටින විදීශිකයින්ට එය මහත් සැනසිල්ලක් මෙන්ම පහසුවක්ද වේ . එහිදී ජපානයේ කසල බැහැර කලයුතු ආකාරය , ජපානය තුල ජීවත් විය යුතු ආකාරය , නීති රිති වැනි දේ පිලිබදව අවශ්‍ය දැනුවත්වීම් සරල ලෙස සිදු කිරීම නිසා මෙය ඉතාමත් පහසුවකි .
share house තුල ඇපකරුවෙක් නොමැති වීම හා සැලසෙන වාසිසහගත තත්වයන් ….
ඇප කරුවෙක් සිටින විට , එය අප හට මහත් වූ කරදරකාරී හැගීමක් ලෙස දැනෙන්නට ඇත . එසේ හෙයින් මෙම share house ක්‍රමවේදය තුල ඇප කරුවෙක් නොසිටීම නිසා එය තමන්ගේ කටයුතු වලට පහසුවක් සේම සිතට සැනසිල්ලකි . එසේම පහසු මිලට මෙහි නැවතීමටත් අනිකුත් කටයුතු සදහාද මෙය පහසුවක් වනු ඇත .
තවද , මෙය share house නිසාවෙන් එහි නවාතැන් ගාස්තු ගෙවනු ලබන්නේ share house තුල සිටිනා විවිධ රටවල විදේශිකයින් සියලු දෙනාගේ එකතුවෙනි . එනිසාවෙන් පහසු මිලකට නවාතැන් පහසුකම් ලබාගැනීමට හැකිය . මෙහි ගාස්තුවට අමතර අනෙකුත් ගාස්තු වියදම් නොවන නිසා මෙය විදේශිකයකුට නැවතීමට සුදුසුම ස්ථානයක් ලෙස හඳුන්වා දිය හැකිය .
share house හි පවත්වනු ලබන විවිධ ඉසව්
share house තුල මසකට එක් වතාවක් විවිධ උත්සව වැනි දේ පවත්වනු ලබයි . එම උත්සව පවත්වනු ලබන්නේ ජපන් සංස්කෘතිය පිළිබද විදේශිකයන්ට යම් අවබෝධයක් ලබාදීම සඳහාය. මෙහිදී , ජපන් තේ පැන් උත්සවය , බාබික්යූ , සුෂී වැනි දේ සැදීම සඳහා විවිද ඉසව් සංවිධානය කරනු ලබයී . මේ තුලින් විදීශිකයින්ට එම සංස්කෘතියේ ඇති විවිධ දේ හදුනාගැනීමටද හැකි සේම විනෝදවීමට ද අවස්ථාව ලැබේ.
දැනට ලංකාවේ සිටින , විදේශ අධ්‍යාපනය සඳහා ජපානයට යාමට සිටින ඔබට මෙම share house තුල නවාතැන් පහසුකම් ගන්නට සිතා සිටින්නේ නම් ඒ පිලිබදව දන්වන්න …. එසේම දැනටමත් ජපානය තුල සිටින කෙනෙක් නම් , ඔබටද share house තුලට පැමිණීමට අවශ්‍ය නම් ඒ පිළිබදවද දන්වන්වන්න…..
