සුපිරි වේගයෙන් ගමනක් යමුද…
අද අපි කතා කරන්න යන්නේ ජපානයේ දුම්රිය සේවාව ගැන.
ජපානයේ දුම්රිය සේවාව ලංකාවේ දුම්රිය දුම්රිය පද්යධතියට වඩා වෙනස්.
විශේෂයෙන්ම දුම්රිය ටිකටිපත් මිලදී ගැනීම, පරික්ෂා කිරීම ආදියත් සිදුවන්නේ යන්ත්‍රානුසාරයෙන්.පහත මුලින්ම ඇති ඡායාරෑප දෙකෙන් දැක්වෙන්නේ දුම්රිය ටිකටිපත් මිලදී ගන්නා යන්ත්‍ර හා ඉන් පසුව දැක්වෙන්නේ ටිකට්පත් පරික්ෂා කරන යන්ත්‍රයක්.
ජපානයේ දුම්රිය ප්‍රධාන ලෙස කොටස් තුනකට බෙදා දැක්වි හැකියි. එනම්,
1. සාමාන්‍ය දුම්රිය
2. උමං දුම්රිය
3. අධිවේගී සුපිරි දුම්රිය
ආරක්ෂාව
මෙම සෑම දුම්රියකම මගීන් ප්‍රවාහනය ඉතා ආරක්ෂාකාරි ලෙස සිදු කරනවා. සෑම දුම්රියකටම මගීන් ඇතුළු වූ පසු එහි ඇති දොරවල් වසා දමනවා. ඒ වගේම තමයි බොහෝ දුම්රියපළවල් තුළ දුම්රිය වේදිකාව අවසානයේදිත් දොරවල් (Platform edge doors) දක්නට ලැබෙනවා. එමගින් මගින් දුම්රියේ ගැටීම, සියදිවි නසා ගැනීමට උත්සාහ කිරීම ආදිය වළක්වා මගීන්ගේ ආරක්ෂාව තහවුරැ කර තිබෙනවා.
සාමාන්‍යන් ජපානයේ දුම්රිය නියමිත වෙලාවටම දුම්රිය ස්ථාන වෙත පැමිනෙණවා. මගීන්ද තමා පැමීණි අනුපිළිවල අනුව පෝළිමකට සිටගෙන සිටිනවා. දුම්රිය තුළදීත් බොහෝ මගීන් පොත් කියවීම හෝ ජංගම දුරකතනයෙහි වැඩක යෙදෙමින් ගමන් කරනවා.
දුම්රිය තුළදී නිරන්තරයෙන් ගමන් මාර්ගය පිළිබඳවත්, ඊලඟ නැවතුම කුමක්ද යන්නත්, නිවේදනය කරනවා. ඒ වගේම දුම්රිය තුළ ගමන්මාර්ගය සහිත සිතියමක, දුම්රිය ගමන් ගන්නා ආකාරය ගමනාන්තය තෙක් සටහන් වෙනවා.
ආබාධිත පුද්ගලයින්ටත්?
ආබාධිත පුද්ගලයින්ට පහසුවෙන් දුම්රියට ගොඩවීමටත් දුම්රිය ස්ථානය තුළ ගමන් කිරීමටත් අවශ්‍ය පහසුකම් සපයා තිබෙන අතර එ් සඳහා දුම්රිය ස්ථානයේ සිටින බළධාරීන් ලබාදෙන සහයෝගය ප්‍රශංසනීයයි.
ජපානයේ සියලුම දුම්රිය ස්ථානයන් මෙන්ම දුම්රියන් ඇතුළතද ඉතාම සිත්ගන්නා සුළුයි වගේම පිරිසිදුයි.
විශේෂයෙන්ම අධිවේගී සුපිරි දුම්රිය තුළ දුම් බොන්නන් සඳහා විශේෂයෙන් වෙන් කළ ස්ථානයක් සකසා තිබෙනවා.
මේ වගේ සුපිරි දුම්රියක ගමනක් යන්න ඔයාලත් කැමතියි නේද……
