ඈත අතීතයේ ජපන් ජාතිකයන් එදිනෙදා ජීවිතයේදීද කිමෝනෝවෙන් සැරසී සිටිය නමුත් මෑත කාලයේ එම ස්වාභාවය ඔවුන්ගේ කාර්යබහුලත්වයත් සමග දක්නට නොලැබේ. එහෙත් ඔවුන්ගේ සුවිශේෂී අවස්ථාවන්ට කිමොනෝවෙන් සැරසීමට ජපන් ජාතිකයන් අමතක නොකරයි. ඔවුන් සෘතු සතර පිලිබදව මනා අවබෝදයකින් යුක්තව ඇදුම් පැළදුම් භාවිත කරයි. ඔවුන් තම ජීවිතය අදියරයෙන් අදියරට සකස් කරගෙන සිටියි. නිදසුනක් ලෙස දරුවන්ගේ වර්ධනයේ සුවිශේෂී අවස්ථා සිහිපත්ව කිරීම සඳහා විශේෂ සිදුවීම් පවත්වනු ලබන අතර, ඒ ඒ සමයට ගැලපෙන පරිදි කිමෝනෝ වලින් සැරසෙයි.
කිමෝනෝවෙන් සැරසෙන අවස්ථා
දරුවා උපතින් පසු දින 30 සිට 100 දක්වා කාලය තුළ දරුවාගේ උපත වාර්තා කිරීම සඳහා දෙමව්පියන්, සහෝදර සහෝදරියන් සහ ආච්චිලා සීයලා ශුද්ධස්ථානයකට පැමිණේ. දරුවා කිමෝනොවට යටින් සුදු පැහැති ඇදුමකින් සැරසී සිටියි. එම ඇදුමට උඩින් ගැහැණු දරුවෙක් නම්, දීප්තිමත් වර්ණ වලින් යුක්ත යුෂෙන කිමෝනෝවකින් සැරසෙයි. පිරිමි ළමයෙකු නම්, කිමෝනෝව කළු වර්ණයෙන් හැඩගන්වයි.
දරුවෙකුගේ ජීවිතයේ තවත් වැදගත් සිදුවීමක් වන්නේ නොවැම්බර් මාසයේ සිදු වන ෂිචි-ගෝ-සන් (“හත්වන-පස්වන-තුන්වන”) නමින් හදුන්වන, වයස අවුරුදු හත, පහ සහ තුන යන අවදි සදහා පවත්වන උත්සවයයි. මේම උත්සව කාලයේදී දෙමාපියන් ඔවුන්ගේ පස් හැවිරිදි පිරිමි ළමයා සහ අවුරුදු 7 ක් වයසැති හෝ අවුරුදු 3 ක් වයසැති ගැහැනු ළමයා සිද්ධස්ථානයට රැගෙන යන අතර, ඔවුන්ගේ දරුවන් සොඛය සම්පන්නව තබා ගනිමින් නිරෝගීමත්ව වර්ධනය කර ගැනීමට හැකිවීම සඳහා දෙවියන්ට ස්තූති කරති. මෙම අවස්ථාවටද ළමයින් අලංකාරවත් කිමෝනෝ වලින් සැරසෙයි.
වයස අවුරුදු 20 දී යෞවනයන් වැඩිහිටි යුගයට පැමිණීම සමරයි. වයස අවුරුදු 20 ලබන වසරේ ජනවාරි දෙවන දිනයේ පන්සලක් වෙත ගොස් සංචාරය කරති. මෙම අවස්ථාව සඳහා ගැහැණු ළමුන් ඉතා අලංකාරවත් ලෙස හැඩවෙන අතර කිමෝනෝවද එලෙසම සිත් ඇදගන්නා එකක් වෙයි. කිමොනෝවේ දෙඅත් දිගුව ගලා යන ලෙස සැකසී ඇත.එමෙන්ම පිරිමි ළමයින් හාරෝයි නම් වූ අර්ධ කබායෙන් සැරසෙයි.
විවාහ මංගල්යයේදී මනාලිය ෂිරෝමුකු ලෙස හඳුන්වන පිරිසිදු සුදු පැහැති කිමෝනෝවෙන් සැරසී සිටින අතර මනාලයා කළු පැහැති කිමොනෝවෙන් සැරසී සිටියි. සුදු වර්ණය ගමනක ආරම්භයක් සලකුනු කරයි. තම ඥාතීන්ගේ විවාහ මංගල්යයන් වැනි විධිමත් අවස්ථාවන් සඳහා කළු පැහැති අලංකාරවත් කිමෝනෝවෙන් සැරසෙයි.
බොහෝ විට තනි කළු වර්ණය අවමංගල්ය අවස්ථාවන්ට භාවිතා කරන අතර වර්ණවත් කිමෝනෝව ප්රීතිමත් අවස්ථාවන්හිදී භාවිත කරයි.
කිමෝනෝවෙහි වෙනස්කම්
ෆුරිසොදේ කිමෝනෝව(දෙඅත් දිගු කිමෝනෝව) පැළඳ සිටින්නේ අවිවාහක කාන්තාවන් විසිනි. අතීතයේ තරුණ ජපන් කාන්තාවන් තම ෆුරිසොදේ කිමෝනෝවෙහි දිගු අත් කපා දැමීම මගින් පුරුෂයන්ට ආදරය ප්රකාශ කළා යැයි සැලකේ.
කාන්තාවක් විවාහ වූ පසු ඇයට තවදුරටත් ෆුරිසොදේන්(දිගු දෙඅත්) සැරසීමට නොහැක. ඒ වෙනුවට ඇය තෝමෙසොදේ(කෙටි අත්) සහිත කිමෝනෝවෙන් සැරසීමට සිදු වේ. තොමෙසොදේ බොහෝ විට කළු හෝ වෙනත් වර්ණයක් විය හැකිය.