ඇත්තටම ඔබ පුදුම වේවි…
ජපානයට යන කෙනෙකුට දකින්න ලැබෙන විශේෂ දෙයක් තමයි ස්වයංක්‍රිය විකුණුම් යන්ත්‍ර. එසේත් නැතිනම් Vending Machines කියල හදුන්වන්න පුළුවන්. ජපන් භාෂාවෙන් Jidou Hanbaiki 自動販売機 ලෙස හදුවන්වනවා. විශේෂයෙන්ම මාර්ගය දෙපස, දුම්රියපළවල් හා ගොඩනැගිලි තුළ නිතරම දක්නට ලැබෙනවා. ඊට අමතරව දුම්රිය තුළත් මිනිසුන් නිතර සිටින ස්ථාන හා සංචාරක ආකර්ෂණය සහිත ස්ථාන වලදීත් දැකගන්න පුළුවන්.
ආහාරපාන මෙන්ම එදිනෙදා භාවිතයට අවශ්‍ය සියලුම දේවල් මෙම යන්ත්‍ර තුළින් මුදල් ගෙවා ලබාගත හැකියි. පැය විසිහතරම විවෘතව ඇති නිසා බොහොම පහසුයි. ඒ වගේම මෙම යන්ත්‍ර තළින් භාණ්ඩ ලබා ගැනීමත් හරිම සරලයි. කළ යුතු වන්නේ තමාට අවශ්‍ය භාණ්ඩය සහිත ස්ථානයේ ඇති බොත්තම ඔබා ඊට අදාල මුදල යන්ත්‍රය පහළ කොටසේ ඇති මුදල් ගෙවන කොටසට ඇතුළු කිරීම පමණයි. මුදල් ගෙවූ සැනින් අවශ්‍ය භාණ්ඩය ඔබට ලබා ගත හැකියි.
මොනවගේ දේවල්ද තියෙන්නේ?
ගමනක් යනකොට මොනවහරි බොන්න ඕන වුනහම අපිට නම් කඩයකට හරි අවන්හලකට යන්නම වෙනවා. නමුත් ජපානයේදි නම් පාර අයිනෙ විවිධ පාන වර්ග හා කෑම වර්ග පුරවපු මෙම යන්ත්‍ර නිසා බොහොම ඉක්මනින් වෙහෙස නිවා ගන්න පුළුවන්. සිසිල් බීම වර්ග නම් යෙන් 100 -200 වගේ මිල ගණන් වලට ලබාගත හැකියි. විශේෂායන්ම අයිස්ක්‍රීම්, තේ හා කෝපි, බිත්තර, සකේ, පලතුරැ මෙන්ම හාල් ආදියත් සාමාන්‍ය මිල ගණන් යටතේ ලබාගන්න අවස්ථාව සලසා දී තිබෙනවා.
මේවත් තියෙනවද?
ආහාරපාන වලට අමතරව කුඩා සෙල්ලම් බඩු, කුඩා ප්‍රමාණයේ පොත් ආදියත් මෙලෙස විකීණීමට තිබෙනවා. පවුලේ හෝ වෙනත් විශේෂ කෙනෙකුට මල් කළඔක් පිළිගැන්වීමට අවශ්‍ය නම් ඔබට මල් හොයන්න මහන්යි වෙන්න ඕන නෑ එවැනි දෙවල්ද මෙවැනි යන්ත්‍ර තුළින් ලබාගත හැකියි.
තවද සනීපාරක්ෂක ද්‍රව්‍ය වශයෙන් යට ඇදුම් හා කොන්ඩම් වැනි දේවලුත් මිලදීගතහැකි යන්ත්‍ර තිබෙනවා. ඉතින් ජපන් ජාතිකයින්ට නම් තමන්ට අවශ්‍ය දේවල් මිලදී ගන්න සුපිරි වෙළඳසැල් ෆාමසි වලටම යන්න ඕන වෙන්නේ නැහැ…
b 
ජපානය තුළ මෙවැනි ස්වංක්‍රීය විකුණුම් යන්ත්‍ර භාවිතයෙන් සෑමදෙනාටම පහසුවක් සලසනවා වගේම කවුරැත් ඒවා කැඩීමට හෝ මුදල් නොගෙවා හොරෙන් භාණ්ඩ ලබා ගන්නට උත්සහ කරන්නේ නැහැ. එතුළින් ජපන් ජාකිකයින් එකිනෙකා අතර පවතින විශ්වාසවන්ත භාවය කෙතරම් ශක්තිමත්ද යන්නත් හොඳින් පැහැදිලි වෙනවා නේද…
