මේ ගැන මොකද හිතෙන්නෙ...
පුංචි සුරතලෙක් ඇති කරන්න අපි හැමෝම කැමතියි. විශේෂයෙන්ම පූස් සුරතලෙක් හෝ බලු සුරතලෙක් බොහෝ නිවෙස් වල ඇති කරනවා. ඔවුන් නිතරම තම සුරතලුන් පිළිබඳව සොයාබලමින් ආදරයෙන් ඇතිදැඩි කරනවා. සුරතලාත් නිවසේම සාමාජිකයෙක් බවට පත් වෙලා. නමුත් ලංකාව තුළදී, රෝගී තත්වයකදී සතුන් රැකබලාගන්නා රෝහලකට හෝ වෛද්යවරයෙකු වෙත රැගෙන යන අවස්ථාවන් හැර සුරතලුන් නිවසින් පිටතට රැගෙන යන අවස්ථා අඩුයි. එසේ වුවත් නාගරික පෙදෙස්වල නම් සුරතලුන් සමඟ ඇවිදින්නට යන පිරිස් සුළු වශයෙන් දැකගන්න පුළුවන්. ලංකාව වගේම ජපානය තුළත් සුරතල් සතුන් ඇති කිරීමට විශාල උනන්දුවක් දක්වනවා.
ජපානයේ සුරතලුන්.
වර්තමානය වනවිට ජපානයේ බොහෝ දෙනෙක් විවිධ වර්ගවලට අයත් සුරතලුන් ඇති කිරීමට යෙමු වී ඇති අතර බලු පැටවුන් හා පූස් පැටවුන් ඒ අතරින් විශේෂයි.නමුත් ලංකාවෙ සුරතලුන් ඇති කරන විදිහයි ජපාන් වැසියන් සුරතලුන් සමඟ ගත කරන ජීවිතයයි ටිකක් වෙනස්.
මොකක්ද ඒ වෙනස? ඔයාලට හිතාගන්න පුළුවන්ද?
පුදුයමට කරැණ නම්..
ජපන් ජාතිකයන් බොහෝමයක් තම කුඩා සුරතලුන්ට වර්ණවත් ඇදුම් අන්දවාගෙන තමන් යන තැන්වලට සුරතලාවත් කැටුව යනවා. පුදුමයට කරැණ නම් ඔවුන් තම සුරතලාව රැගෙන යන ආකාරයයි. එනම් කුඩා කරත්තයතක (Pet Stroller) භාවිත කරමින් විවිධ ඇදුම් ආයිත්තම් වලින් සරසාගෙන කුඩා දරැවෙකු රැගෙන යන ආකාරයට තම සුරතලාව කැටුව යාමයි. තරැණ තරැණියන් පමණක් නොව මැදි වයසේ පුද්ගලයින් හා මහලු වියට පාතැබුවන් ද මෙලෙස සිදු කරන අතර විශේෂයෙන්ම එක් සුරතලෙකු පමණක් නොව සතුන් දෙතුන්දෙනෙකු එක් කරත්තයක රැගෙන යන අවස්ථාද ඇත. විශේෂයෙන්ම සංචාරක ස්ථාන වලදීපවා මෙවැනි සුරතලුන් ද කැටුව පැමිණෙන තරැණ තරැණියන් දැකිය හැකියි. ලංකාව තුළ මෙවැනි අවස්ථාවන් දක්නට නොලැබෙන නිසා ලංකාවෙ අපිට නම් ඒක පුදුම හිතෙන අපූරැ අත්දැකීමක් වේවි. නේද යාළුවනේ?