ජපන් යන්න ඔබත් කැමතිද.. එහෙනම් මේ දේවල් ගැනත් හිතන්න.
ජපානය කියන නම ඇහෙන කොටම අපිට මතක් වෙන්නෙ සකුරා මල්, ලස්සන කිමෝනා වලින් සැරසුන කාන්තාවන් වගේම ජපන් ජාතිකයින් ගෞරවයෙන් සලකන ෆුජි කන්ද වගේ දේවල්ඒ. නිසාම ජපානයට යන්න, ජපානයේ අධ්‍යාපනය ලබන්න යන්න අපි හැමෝම කැමතියි. නමුත් ජපානයට විදේශ ගතවීමට බලාපොරොත්තු වන අයට මුහුණ දේනට සිදුවන ගැටළු බොහෝමයි.
මූල්‍යමය ගැටළු.
ජපානයට විදේශ ගතවීමට බලාපොරොත්තු වන අයට තියෙන ප්‍රධානතම ගැටළුව තමයි විදේශ ගත වීමට අවශ්‍ය මුදල් සොයා ගැනීම. විශේෂයෙන්ම එක් අයෙකුගේ බැංකු ගිණුම තුළ රැ. ලක්ෂ 25 ක මුදල් තැම්පත්තුවක් හා මුල්අවුරැද්ද සඳහා රැ. ලක්ෂ 15 ( අයදුම්පත් ගෙන්වීමට, ලියකියවිලි පරිවර්තනයට, ජපන් පාසලේ පළමු අවුරැද්දේ පාසල් ගාස්තු සඳහා) පමණ මුදලක් අනෙකුත් කටයුතු සිදු කිරීමට අවශ්‍ය වේ.
ලියකියවිලි වල අඩුපාඩු.
අවශ්‍ය සියලුම ලියකියවිලි ජපන් භාෂාවට සහ ඉංග්‍රීසි භාෂාවට පරිවර්තනය කළ යුතුයි. ඒ සඳහා උප්පැන්න සහතිකය, ජාතික හැදුනුම්පත, O/L හා A/L ප්‍රතිඵල සහතික, පාසල හැරයාමේ සහතිකය, අධ්‍යාපන සහතික, ජපන් භාෂා ප්‍රවීණතා සහතික හා අනුග්‍රාහකයා සමඟ ඇති සම්බන්ධතාව තහවුරැ කරන ලියකියවිලි වඩාත් නිවරදිව පරිවර්තනය කළ යුතු වෙනවා. පරිවර්තනයේදී සිදුවන අඩුපාඩු බොහෝ විට ජපානයෙන් වීසා ප්‍රතික්ෂේප වීමට මූලික හේතුවක් වෙනවා. 
භාෂා ප්‍රවීණතාවේ දුර්වලතා.
අධ්‍යාපනය සඳහා ජපානයට යාමට බලාපොරොත්තු වෙනවා නම් ජපන් භාෂාව පීළිබඳව මූලික දැනුමක් හෝ තිබීම අත්‍යවශ්‍ය කරැණක්. මන්දයත් විශේෂයෙන්ම JLPT N5 / NAT 5 වැනි විභාග සමත් වි නැත්නම් ජපන් භාෂාව කතා කිරීමටත් නොහැකි නම් ජපානයට යාමට සිතීම පිළිබඳව දෙවරක් සිතා බැලිය යුතුයි. එලෙස පැවසීමට හේතුව නම් ජපානය තුළ ජපන් භාෂාව හැර වෙනත් භාෂාවන් භාවිත වන්නේ බොහොම අඩුවෙන් ඒ නිසා ජපානයට යාමට පෙර ජපන් භාෂාව හොඳින් හැදෑරා තිබීම වැදගත්.
අර්ධකාලීන රැකියා සොයා ගැනීම.
අධ්‍යාපනය සඳහා ජපානයට යන හැමදෙනාගේම බලාපොරොත්තුව ඉක්මනින්ම අර්ධකාලීන රැකියාවක් සොයාගෙන මුදල් ඉපයීමයි. නමුත් ජපානය තුළ දක්නට ලැබෙන සැබෑ තත්වය බොහෝදුරට අපි හිතනවාට වඩා වෙනස්. එනම් ඉගෙන ගන්නා පාසල මගින් හා වෙනත් තොරතුරැ මගින් අර්ධකාලීන රැකියා සඳහා අවස්ථාව උදාකර දුන්නත් ඒ සඳහා ඔබව තෝරා ගන්නට නම් ජපන් භාෂාව හොඳින් හසුරවන්නට හැකි විය යුතුයි. ඒ වගේම තමයි අර්ධකාලීන රැකියාවක් කර මුදල් ඉපයුවත් මුදල් ඉතිරි කිරීමට ලැබෙන අවස්ථාව අඩුයි. ඒකට හේතුව එදිනෙදා අවශ්‍යතා සඳහා වැයවන මුදල් ප්‍රමාණය වැඩි වීමයි.
එනිසා ජපානයට යාමට පෙර ඔබත් මෙවැනි කරැණු පිළිබඳව විමසිලිමත් වන්න. වැඩිදුර විස්තරදැන ගැනීමට කැමති නම් පහත දැක්වෙන වීඩියෝව නරඔන්න.
https://www.facebook.com/takahashiJLC/videos/1565005476854005/
