ගත සිත නිරෝගී කර ගනිමු
යම්කිසි ක්‍රීඩාවක, කලාවක නිරත වීම මගින් අපගේ මනස හා ශරීරයෙහි නීරෝගී බව පවත්වා ගන්න පුළුවන්. ජපානයේ පවතින සටන් කලාවන් මොනවද? ඒවා පුහුණුවෙන්නේ කොයි ආකාරයෙන්ද? කියන එක ගැන දැනගන්න ඔයාලත් කැමතියි නේද…. කරාතේ ,සූමෝ වගේ සටන් කලාවන් පිළිබඳව දැනටමත් ඔබ දන්නවා ඇති. ඒදේවල් වගේම ජපානයේ ඇති වෙනත් සටන් කලාවන් කිහිපයක් පිළිබඳව මෙම ලිපියෙන් ඉදිරිපත් තරලා තියෙනවා.
කෙන්දෝ (Kendo)
කෙන්දෝ යනු ජපානයේ සාම්ප්‍රධායික සටන් කලාවකි. එහිදී කඩුවක් හසුරවමින් සටන් කිරීම සිදුකරයි .වර්තමානයේදී උණ ලී වලීන් තැනූ කඩුවක් යොදා ගන්නා අතර බෝගු (bōgu) නමින් හදුන්වන ආරක්ෂක ඇදුම් කට්ටලයක් භාවිත කරයි. පුහුණුවීම් ප්‍රධාන ආකාර තුනක් යටතේ සිදු කරයි. එනම්,
- Mitiri geiko
- Kufū geiko
- Kazu geikko නම් වේ.
ක්යෝදෝ (Kyūdō)
දුනු විදීමේ ජපන් සට න් කලාව ක්යෝදෝ නමින් හදුන්වයි. මෙහිදී යොදාගන්නා දුන්න මීටර් දෙකක් පමණ උස වන අතර උණ ලී ආදියෙන් නිර්මාණය කරනු ලබන අතර මේ වනවිට ඒ සඳහාද ආදේශක ද්‍රව්‍ය යොදා ගන්නා ප්‍රවණතාවය වැඩි වී ඇත. ඊතලයටද උණ ලී යොදාගන්නා අතර රාජාලියන් උකුස්සන් වැනි පක්ෂින්ගේ පිහාටු යොදාගත්තද වර්තමානයේදී උණ ලී වෙනුවට ආදේශක යොදා ගන්කනා අතර කළුකුමා හංසයින්ගේ පිහාටු යොදා ගනියි.
කරාතේ (karate)
වර්තමානයේදී ලංකාව තුළත් කරාතේ සටන් කලාව බොහෝ ජනප්‍රියව පවතිනවා. ජපන් වචනයක් වූ කරාතේ (空手) යන්නෙහි තේරැම හිස් අත් යන්නයි. මෙහිදී ක්‍රීඩකයා සිටින මට්ටම අනුව විවිධ වර්ණවලින් යුතු පටි පැළදීම සිදු කරනවා.
ජපානය තුළ මෙවැනි සටන් කලාවන් පිළිබඳ පුහුණුව පාසල තුළදීම ලබාදෙනවා. ඒවගේම විවිධ තරඟ සංවිධානය මගින් සිසුන්ට තම දක්ෂතා දක්වන්නටත් අවස්ථාව ලබා දී තිබෙනවා. එමගින් ජය පරාජය සම සිතින් දරා ගැනීමටත් මානසික හා ශාරීරික සෞඛ්‍ය යහපත්ව පවත්වා ගැනිමටත් හැකියාව ලැබී තිබෙනවා එබැවින් කුඩා කළ පටන්ම අධ්‍යාපනයට වගේම ක්‍රීඩාවටත් එකසේ අවධානය ලබා දීම වැදගත්.
