මම මුලින්ම ජපානය ගැන දැනගත්තේ කොහොමද….. ?
මම ලාංකිකයෙක් විදියට ජපානේ ගැන මුලින්ම දැනගත්තේ ඔෂින් කියන නාට්‍ය බලන්න ගත්තට පස්සේ . ඉතින් ඒ කාලේ මම පොඩි නිසා අම්මගෙන් ටිකක් අහල දැනගත්ත ජපානේ ගැන . තව අම්ම කියපු කතාවක් තමයි ; ජපානයට බෝම්බ දාපු වෙලාවේ ජපානේ ධෛර්යමත් කරලා , ශක්තිමත් කරපු රට තමයි අපේ ලංකාව . ඉතින් එදා එහෙම වුණු සිද්ධිය තමයි මුලිකවම ජපානෙයි ලංකාවයි අතර තියන ශක්තිමත් බැඳීමට හේතුව .
ඇයි දන්නවද මම ජපානෙට ආදරේ කරන්න පටන් ගත්තේ ?
මම ජපානේ ගැන අම්මගෙන් දැනගත්තට පස්සේ , තවත් දුරට ජපානේ ගැන දැනගන්න ඕනේ වුණා . ඉතින් මම පොත්පත් වලිනුත් ඒ ගැන දැනගත්ත වගේම මගේ නිවස අසල ජපන් ගැන දන්න අක්ක කෙනෙක්ගෙන් ජපන් භාෂාව ගැන අහගත්තා . ඒ නිසාමදෝ නොදන්නා නමුත් මගේ හිතේ ලොකු ආසාවක් ඇතිවුණා ජපන් ඉගෙන ගන්න .
දිගටම ජපන් භාෂාව ඉගෙන ගන්න ඇති වුණු ආශාව නිසා ජපන් පන්තියකට සහභාගී වෙලා ජපන් හිරගන , කතකන හෝඩ් ගැන අවබෝධයක් ලබා ගත්ත .
ජපන් භාෂාව තව දුරටත්……
උසස් පෙළ කඩඉම ජයගත් මා විශ්ව විද්‍යාලය තුළදීද ජපන් භාෂාව විෂයක් වශයෙන් ඉගෙන ගන්නට වූයේ , ජපන් භාෂාවට ඇති කැමැත්තත් , ජපානයට ඇති ආදරයත් නිසාවෙනි .
භාෂාවත් යම්තාක් දුරට ප්‍රගුණ කල නිසා මා ජපන් චිත්‍රපට බැලීමටත් නැඹුරු විය . ඒ නිසාවෙන් ජපානයට ඇති ආදරය තවත් වැඩි වූ බව කිව හැකිය .තවද , ජපන් Animation වගේ දේවල් බලපු නිසාත් ජපානය ගැන තියෙන කැමැත්ත වැඩි වෙන්න හේතුවක් වුණා .
ජපානෙට ආදරේ කරපු හින්ද මට ලැබුණු තෑග්ග …..!!!
ජපානය ගැන ටිකෙන් ටික විවිධ දේවල් දැනගත්ත මම ඒ ආශාව නිසාම මා නැවතුන තැන දන්නවද ? මගේ ජීවිතේ තිබුණු ලොකුම හීනයක් වුණේ , විශ්වවිද්‍යාලයට ඇතුල් වෙන එක .ඉතින් ඒ හීනේ හැබෑ වුණේ මම ජපානයට ආදරය කරපු නිසා කිව්වොත් මම නිවැරදි කියල හිතෙනව . ඒ ඇයි කියල කිව්වොත් ….
මම O/L විභාගය සමත් වෙලා , උසස් පෙළ සඳහා තෝරගත්ත විෂයන්ගෙන් 1ක් තමයි ජපන් භාෂාව කියන්නේ . ඉතින් , ජපන් භාෂාවට ඉහළ z අගයක් තිබුණු නිසාත් , මම මහන්සි වෙලා ජපන් භාෂාව පාඩම් කරපු හින්දත් , එක ලොකු සුදුසුකමක් වුණා විශ්වවිද්‍යාලයට ඇතුල් වෙන්න .
