තේ පානයේ විකාශය
ජපන් ජනතාව හා තේ පානය අතර ගැඹුරු වින්දනීය සබදතාවයක් පවතී. ජපාන තේ සංස්කෘතියේ කලාත්මක නියෝජනය “චනොයු” නමින් හැදින්වෙන තේ පාන උත්සවය අවුරුදු 800ක් පමණ ඈතට දිව යන්නෙකි. බෞද්ධ භික්ෂූන් වහන්සේලා සිය භාවනා කාර්යයේ යෙදෙන විට මානසික ඒකාග්රතාවය පවත්වා ගැනීම සදහා තේ භාවිතයට ගෙන ඇත. ජපන් ජනතාව තේ පානය කිරීමේ සාමන්ය අවස්ථාව ඉක්මවා යමින් තේ චාරිත්ර විධි දියුණු කළහ.
තේ පාන උත්සවය
තේ පානය සදහා සැකසෙන කාමරය තේ චාරිත්ර විධි සදහාම වෙන් වුවක් නොවේ.කෙනෙකුගේ ෛදණික ජීවිතයෙන් සම්පුර්ණයෙන්ම බැහැරවූ පාරසරික වටපිටාවක් එහි නිර්මාණය කර තිබේ. තේ කාමරය සැබවින්ම ජීවමාන වන්නේ චාරිත්රවිධි සදහා අවශ්ය බදුන් ආදී උපකරණ සහ මල් සැකසුම් නිසි තැන්වලට කිරීමෙන්ද, උදුන දල්වා තැබීමෙන් සහ ආරාධිතයන් හා ආගන්තුකයන් තේ පානය සදහා වාඩි වීමෙන් පසුව ය.
තේ පාන උත්සවය චාම්ව සහ ආකර්ශණීය ආකාරයෙන් පවත්වා ගැනීමට සැලසුම් කර ඇති සියුම් නියමයන් ආගන්තුක සත්කාර කරන්න සහ ආගන්තුයා විසින් අනුගමනය කරනු ලබයි. සියල්ල ඉතා පිළිවෙලට අලංකාරවත්ව සරසන ආගන්තුක සත්කාරකයා ආගන්තුකය විසින් ප්රසංසා කරනු ලබන අතර ඒ සම්බන්දයෙන් අදහස් පල කරනු ලබයි.
තේ චාරිත්රවිධි සදහා භාවිත කෙරෙන උපකරණ ද අලංකාර බවින් යුක්තය.විවිධ කලාපවල විවිධ ජනතාව විසින් නිර්මාණය කරන ලද එකිනෙකට වෙනස් භාජන හා උපකරණවල කලාත්මක බවද අමුත්තන්ට ආස්වාදයක් ගෙන දෙයි. ඔවුහු ඒවායේ සොන්දර්යාත්මක අගය පිලිබදව සිය අදහස ප්රකාශ කිරිමටද පෙලබෙති. ච්වන් ( තේ බදුන) පිගන් මැටි හෝ පෝසිලෙන් වලින් නිර්මාණය කරන ලද්දකි.හැඩය හා නිෂ්පාදන කෙරෙන උදුනේ රටාව අනුව මේවා විවිධ වෙයි. තේ බදුනෙහි අඩිය (කොඩායි) සහ භාවිත කර ඇති ඔප දැමීමේ තත්වය (යුයාකු) දෙස ද අගන්තුකයාගේ අවධානය යොමු වේ.ස්ථානයෙන් ස්ථානයට, කාලයෙන් කාලයට මෙන්ම අවස්ථාවෙන් අවස්ථාවට ද මේවා වෙනස් වේ.
තේ කෝප්පය හා බැදුන ජපන් ජීවිතය
තේ කෝප්පය ජපාන වැසියන්ගේ ෛදයිනික ජීවිතයේ නිත්ය අංගයක් වී තිබේ. විවේක සුවය විදින අවස්ථාවක නැතහොත් ආහාර වේලක රස බලන අවස්ථාවක තේ පානය බැහැර කළ නොහැක්කක් බව බොහෝ දෙනාගේ පිළිගැනීමයි.තේ කොළයේ අඩංගු කැෆේන් නමැති රසායන උත්තේජකය අලසකම මග හැරවා ගැනීමට සමත් වන බව ඔවුන්ගේ විශ්වාසයයි.ඒ අනුව වඩාත් සජීවී හා නැවුම් බවක් තේ පානය කරන්නා තුල ඇති වෙයි.ජපන් තේ රස අනුව නුපදවූ විවිධ රස කැවිලි, චොක්ලට් වර්ග, අතුරුපස වර්ග ආදියද දක්නට ලැබේ.
මේ අනුව ජපානයේ තේ සංස්කෘතිය ඉතා පොහොසත් වුවක් බව පැහැදිලි වෙයි. ආහාර සංස්කෘතියේ සිට සෙසු උප සංස්කෘතීන් දක්වා සමාජයේ බොහෝ කාර්යන්හි දී තේ කෝප්පය ඉතා දැඩි බලපෑමක් ඇති කර තිබෙන බව නොරහසකි.