ඩිස්නිලන්තය බලන්න යන්න කැමතිද?
තෝකියෝ ඩිස්නිලන්තය ජපානයට යන කෙනෙක් අනිවාර්යයෙන් නරඔන්න යන තැනක්. විශේෂයෙන්ම වාර්ෂිකව විශාල සංචාරකයින් පිරිසක් පැමිණෙන ආකර්ෂණීය විනෝද උද්‍යානයක් ලෙස හදුන්වන්න පුළුවන්.
පොඩිකාලෙ අපි බලපු කාටූන්වල හිටපු සින්ඩරෙල්ලා, ස්නෝවයිට්, ඇලඩින්, මිකීමවුස් වගේ ආදරණීය චරිත එක්ක කාලය ගත කරන්න, ඡායාරෑප ගන්න වගේම Roller Coaster එකේ හිතාගන්නවත් බැරි තරම් වේගයෙන් යන්න පොළව යටට බිහිසුනු චාරිකාවක් යන්න කවුද අකමැති?
ඩිස්නිලන්තය තෝකියෝවේ චිබා හි මයිහමා දුම්රියපළ ආසන්නයේ අක්කර 115ක පමණ විශාලත්වයකින් යුතුව නිර්මාණය කර තිබේ. ඩිස්නි සී හා ඩිස්නිලන්තය ලෙසින් ප්‍රධාන කොටස් දෙකකින් සමන්විතයි. මෙහිදී තමාගේ කැමැත්ත පරිදි තෝරාගතහැකි පැකේජ රාශියක් ඇති නිසා කුමන වයසක කෙනෙකුට වුවත් ඇති තරම් විනෝද වෙන්න පුළුවන්.
ඩිස්නිලන්තය (Disneyland)
ඩිස්නිලන්තය මූලික තේමා හතකින් සමන්විතයි ඒවා නම්,
World Bazzar – මූලික පිවිසුම වන අතර සාප්පු සංකීර්ණයකින් ද සමන්විත වේ
Adventure Land – මෙහිද New orleans square හා jungle ලෙසින් ප්‍රධාන කොටස් දෙකකින් යුක්ත වේ
Western Land – පැරණි බටහිර තේමාකොට ගනිමින් නිර්මාණය කර
Critter Country, Fantasy Land, Toon Town, Tomorrow Land ආදියයි.
ඩිස්නි සී (Disney Sea)
ඩිස්නිලන්තය මෙන්ම මෙහිද විවිධ තෙමාවන් හතක් යටතේ නිර්මාණය කර තිබේ එනම්,
Mediterranean Harbor
Mysterious Island 
Mermaid Lagoon
Arabian Coast
Lost River Delta
Port Discovery
American Waterfront ආදියයි.
මෙහිදී Mediterranean Harbor කොටස තුළදී පැමිණෙන සංචාරකයින්ට වැනිසීයේ ගොන්ඩෝලා බෝට්ටු පැදීමේ අවස්ථාව උදාකර දී තිබේ. තවද ඇලඩින් සහ පුදුම පහන, දියකිදුරියන් විවිධ මුහුදු ජීවීන්ගේ චරිත ඇසුරින් නිර්මාණය කරන ලද කාටූන් ච්ත්‍රපට, Roller Coaster හා පොළව යටට ගමන් කරන බිහිසුනු චාරිකා ආදියෙන්ද සමන්විත වේ.
ගෙදර අයත් එක්ක, යාළුවොත් එක්ක විනෝද වෙන්න නම් යන්න තියෙන හොඳම තැන තමයි ජපානයේ තෝකියෝ ඩිස්නිලන්තය! එහෙම නේද….
